lab pe aati hai dua ban ke tamanna meri

zindagi shama ki surat ho KHudaya meri!

dur duniya ka mere dam se andhera ho jae!

har jagah mere chamakne se ujala ho jae!

ho mere dam se yunhi mere watan ki zinat

jis tarah phul se hoti hai chaman ki zinat

zindagi ho meri parwane ki surat ya-rab

ilm ki shama se ho mujh ko mohabbat ya-rab

ho mera kaam gharibon ki himayat karna

dard-mandon se zaifon se mohabbat karna

mere allah! burai se bachana mujh ko

nek jo rah ho us rah pe chalana mujh ko